Lembrabamos dúas entradas antes, en Festa a Festa, a cita máis importante coas orquestras galegas e internacionais a próxima fin de semana en Cea. Hoxe ofrecemos o programa completo cos horarios de actuación.
As actuacións están repartidas en catro sesións: vermú coa SINTONÍA DE VIGO e DIPLOMÁTICOS DO ACORDEÓN, clásicos latinos cos MELÓDICOS, BILLO’S CARACAS BOYS e EL COMBO DOMINICANO, orquestras do mundo con tres excepcionais agrupacións musicais internacionais e verbena con ARMONÍA SHOW, PHILADELPHIA ou OLYMPUS. Venres e sábado haberá despois da última sesión, ás 02:00 horas, unha sesión rave bailonga. Consulta aquí o calendario previsto e para máis información podes visitar a páxina web do Festival Internacional de Orquestras de Galicia.
