A localidade de Boiro está tomada polas atraccións e casetas de feira. A avenida da Constitución acolle máis de 100 atraccións de feira e casetas de todo tipo para gozar das Festas do Verán que comezan nunhas horas e se alongarán ata o vindeiro mércores. Orquestras de primeira liña confeccionan un completo cartel que rematará coas actuacións, na mesma noite de PANORAMA e EL COMBO DOMINICANO o vindeiro mércores. Seis días de festas que comezan xa… as atraccións están practicamente listas, e as ganas de festa tamén.
