Outro concello que celebra as festas patronais é o de Ordes. Para iso o programa musical que se levará a cabo nestes catro días inclúe a actuación de oito grandes orquestras de Espectáculos Lito. Cada unha das consideradas “grandes” estará acompañada por outra formación de prestixio: PANAMÁ e SINTONÍA DE VIGO, LA BÁMBOLA e OLYMPUS, ALARMA e PANORAMA e para rematar o martes, FANIA BLANCO SHOW e PARÍS DE NOIA. Un cartel impactante para esta edición festeira en Ordes onde, iso si, non haberá concerto nin gala con artistas coma estes últimos anos.
