Moitas festas de exterior previstas para esta fin de semana están sendo suspendidas a causa da alerta vermella por forte temporal que parece que sufriremos nas próximas horas. O carnaval de Rois ou as actuacións da orquestra ACHÉ para o sábado e o domingo son só algúns exemplos.
Para saber con certeza se hai festa ou non naquel lugar programado para mañá e pasadomañá, recomendamos visitar as webs das distintas orquestras. En principio as suspensións non afectan ás discotecas nin restaurantes, só as verbenas de exterior, pero para maior seguridade recomendamos buscar a información nas páxinas das distintas formacións musicais e salas de festa.
