Hoxe nun dos portais de noticias máis importantes de Galicia houbo un oco para Festa a Festa. Se visitas a páxina de Vieiros podes ver a nova na que se fala deste blog e das súas principais características.
1.- Festa a Festa é unha bitácora dedicada ás orquestras e festas de Galicia realizada por un afeccionado de maneira altruísta.
2.- Festa a Festa ten como soporte habitual a lingua galega, principal sinal de identidade do noso país.
Desde Festa a Festa quero agradecerlles publicamente aos responsables da noticia e do medio a súa dedicación e darlles tamén os meus parabéns por ofrecernos unha canle de información contrastada, rigorosa e enmarcada na nosa vida cotiá.
Pois que teñas boa andaina polo blogomillo e a blogosfera enteira. Tendo en conta o festeiros que somos no país, dende logo que traballo non che ha de faltar.
Espero que non te canses.
Moitas grazas, intentaremos non decaer polo camiño, pero se algún día se torce un cable na cabeza e hai que abandonar tamén hai que saber facelo. Saúdos!!!