Esta fin de semana borrascosa en FDS (FIN DE SEMANA, a axenda dixital de LA OPINIÓN A CORUÑA) publícase unha completa entrevista ao administrador de Festa a Festa na que podedes coñecer máis detalles sobre este tipo de blogs e o seu funcionamento. En FDS publicarase cada fin de semana unha entrevista aos administradores dos distintos blogs que se aloxan no diario coruñés dentro da sección “webs útiles”. Hoxe publicouse a segunda entrega no que o protagonista é o blog máis verbeneiro: Festa a Festa.
A través de nove preguntas poderedes coñecer cales son os obxectivos de Festa a Festa, a quen vai dirixido este blog, como traballamos, etc… Se queredes saber un pouco máis de nós non dubidedes en visitar FDS.
