Quen non saiba que facer esta tarde ten unha moi boa convocatoria en Pontedeume na XXVI edición do Día da Muiñeira.
A xornada está organizada pola Asociación Folklórica e Cultural Orballo de Pontedeume e o concello. Esta asociación celebra así os seus 30 anos de existencia, todo un mérito de compromiso coa cultura propia e o noso folclore.
Os actos comezarán ás 5 da tarde coa concentración dos Grupos na Alameda de Raxoi, media hora máis tarde comezará o desfile polas principais rúas da vila para comezar os actos centrais a partir das 6 da tarde no paseo marítimo da vila.