Mañá venres hai unha cita festeira por terras de Rois. A orquestra coruñesa LOS TROVADORES ofrecerá unha actuación co gallo da celebración do patrón San Tomé. Para a formación musical non é esta unha praza nova xa que actuou máis veces tanto no concello como na propia localidade.
A música verbeneira de LOS TROVADORES inundará mañá a parroquia de Sorribas e atraerá a veciños do resto do concello pois a ocasión vén que nin pintada para botar unhas pezas e escorrentar o frío.
