A orquestra Philadelphia foi a encargada de abrir as festas de Viveiro
Festa rachada en Viveiro. Aínda que parece que os viveirenses levasen todo o mes de festa se facemos caso a toda a programación musical que pasou estes quince días polo concello, con festivais, galas e concertos, é agora cando dan comezo oficialmente as festas de Viveiro. Onte tocaron a orquestra PHILADELPHIA e LOQUILLO. Hoxe sábado é o día no que tocarán ALEJANDRO LUZARDO Y LA CANDOMBERA e tamén a orquestra PANAMÁ. O día 16, xornada grande do San Roque, actuará a orquestra PANORAMA.
O programa complétase con outras moitas actividades e unha sardiñada o martes 18.
Podes consultar o programa completo das Festas de San Roque de Viveiro.
