O Concello de Santiago de Compostela vive desde hoxe e ata o próximo domingo unha das súas festas máis populares: A Ascensión. Un programa moi variado de actuacións musicais de todos os estilos: ELADIO Y LOS SERES QUERIDOS, ANTONIO CARMONA, MYLES SANKO entre outros, onde non podían faltar, tampouco, as verbenas na Alameda: CINEMA (mércores), METRÓPOLIS (xoves), SALSARENA, en Amio, e COSTA DORADA na Alameda (venres), LOS ESPAÑOLES (sábado). A música clásica tamén terá cabida coa actuación da REAL FILHARMONIA DE GALICIA e a música de banda, tamén, coa participación da BANDA MUNICIPAL DE MÚSICA. A música infantil entra tamén no programa festivo da Ascensión coa actuación, entre outros, de MARIA FUMAÇA.
Concertos, folk na rúa, teatro, desfile de tropas imperiais, comparsas de cabezudos, obradoiros, etc., conforman o groso do programa das festas que levan as atraccións de feira, unha vez máis á Alameda e carballeira de Santa Susana, en pleno corazón compostelán. Entre elas hai algunha novidade como un booster ou a volta do Jumanjy (unha roda que xira e tira a xente do asento circular). Outras son as de sempre, como o saltamontes ou a xa tradicional noria xigante.
En xullo volverán as festas a este entorno para celebrar o Apóstolo. Nesa ocasión a noria será un pouco máis pequena, pero igualmente impresionante.
Podes consultar o programa completo no seguinte enlace:
https://drive.google.com/file/d/0B_0oVBFCpnIJSkxreXZTZU5JTVE/view