Fichaxe sorpresa na orquestra Marbella
Disposta a deixar o listón ben alto, tal como fixo nas anteriores formacións nas que estivo, chega á orquestra MARBELLA LIGHTS SHOW o terremoto canario Mar Robaina.
Coñecida polo seu paso por formacións como FILADELFIA ou OLYMPUS entre outras, a vocalista canaria que xa gañou un posto destacado no mundo da verbena en Galicia, chega á orquestra pontevedresa por sorpresa, pois a dianteira da formación musical xa levaba un par de meses traballando. A inesperada baixa dunha das vocalistas 2016, Lavinia Dutza, esta pasada fin de semana provocou a busca dunha nova cantante para cerrar unha dianteira ao nivel que MARBELLA nos ten acostumados. Sen dúbida a fichaxe de Mar Robaina é un moi bo movemento de ficha.
[Foto promocional da temporada 2012 cando Mar Robaina formaba parte de OLYMPUS]
