A orquestra coruñesa FOLIADA ten desde hoxe á venda o seu novo CD do que ofrecemos un dos temas, La mano loca.
En pleno aniversario, o número 30, a FOLIADA presenta novo disco con temas moi bailables e incluso algún deles versionado. O de hoxe é un dos temas máis verbeneiros do disco e exalta o tipo de música característico da banda coruñesa: o baile.
Iremos ofrecendo algún tema máis do novo traballo de FOLIADA, pero desde hoxe, para os impacientes, xa se pode adquirir nos lugares de costume (entre eles os hipermercados Haley onde tamén se pode conseguir discografía doutras moitas orquestras) e, como non, nas festas onde actúa en rigoroso directo a veterana formación.
