Presentación da nova páxina web e formación 2010 de Costa Oeste
A orquestra COSTA OESTE acaba de presentar o novo deseño da súa páxina web para esta nova temporada. Novos compoñentes en trompeta, trombón e voz feminina, nova web, novo cartel e algunha sorpresa máis no repertorio da formación musical para 2010.
A páxina web é unha das máis completas, con apartado de Última hora, no que a orquestra intentará manternos informados de todas as novidades, compoñentes, galeria de fotos, calendario de actuacións, contacto; e outros apartados en construción como son vídeos, cancións, chat (que funcionará os luns a partir das 20:00 horas), equipo técnico, merchandising e un espazo dedicado ao club de fans.
En canto aos compoñentes, son tres as baixas e incorporacións na COSTA OESTE 2010: Freddy Cárdenas, Poly e Esther Alarcón causan baixa e entran no seu lugar Noelio (procedente de PANORAMA), Miro Lamas (procedente de CAPITOL) e Dunia Santana (procedente de MARIMBA).
O cadro de compoñentes queda así: Javier Comesaña, Juan Carlos Terán, Sonia Montero e Dunia Santana nas voces; André (percusión, coreografía e coros), Cendón (batería), Miro (trombón e coros), Noelio (trompeta, teclados e arranxos musicais), Óscar (teclados), Ramón (guitarra), Sam (saxo, frauta e coros) e Suso (baixo e coros).
Con Noelio nas filas de COSTA OESTE, a orquestra ten un valor seguro en canto a repertorio e arranxos. A nova temporada de COSTA OESTE promete…
