Podería ser un bo costume. Nada mellor que despedir con festa a temporada de verán. Polo menos en Ares é así… a actuación dunha grande orquestra no centro da vila, como é OLYMPUS, serve para despedir a temporada do verán ata o vindeiro ano.
O caso é buscar ocasións para montar unha festa, e parece que no concello mariñeiro de Ares o fan moi ben. O espectáculo de OLYMPUS, El poder de la magia, chegará á vila para goce de todos os veciños e visitantes, que han de ser moitos se a noite acompaña.
