Imaxe do cartel das festas de Bens, sacada na estrada de Bens a San Pedro de Visma / roxegar
SAN PEDRO DE VISMA CON LOS SATÉLITES E A COMPOSTELA
BENS CO GRUPO CICLÓN E A MARBELLA
Esta fin de semana hai festa na Coruña por partida dobre. Ademais, quen queira pode visitar as dúas festas porque están separadas unha da outra por escasos 2 quilómetros. Estamos a falar das celebracións de dous barrios periféricos coruñeses como son San Pedro de Visma e Bens.
En San Pedro de Visma, a festa vén da man de dúas grandes orquestras como son LOS SATÉLITES (sábado) e a COMPOSTELA (domingo). En canto a Bens, a festa está tamén garantida por parte do grupo CICLÓN (venres) e da orquestra MARBELLA LIGHTS SHOW (sábado). O programa complétase o domingo coa actuación doutra orquestra aínda por determinar.
Haberá festas infantís con hinchables nos dous barrios e terá lugar a xa tradicional FESTA DO PULPO en Visma o domingo. Os fogos artificias poñerán o broche final como é habitual desde o alto do barrio, onde se pode contemplar a baía coruñesa, vistas só superadas polas dos parques de Bens e San Pedro.
Imaxe do cartel das festas de San Pedro de Visma / roxegar