Cartel actual da orquestra Panamá que continúa actuando durante o mes de novembro
Unha das orquestras máis coñecidas de Ferrolterra é, sen dúbida, a PANAMÁ. Xunto coa Naronesa MONTES disputa o posto de formación verbeneira máis popular desa zona de Galicia. E en ambas hai este ano cambios, máis marcados en MONTES, onde haberá unha profunda renovación. En PANAMÁ parece que serán tres as novidades no cadro de músicos.
Se en MONTES a renovación afecta tanto a músicos como a cantantes, en PANAMÁ só haberá, en principio, modificacións nos instrumentistas.
Así causan baixa na orquestra Javier Nieto (batería), Fran Rodríguez (guitarra) e Ildemaro Acosta (trompeta). Os seus lugares serán ocupados por Óscar na batería, que volve á formación musical, Ivis Reyes, procedente da MONTES na guitarra e J. Chacón como trompeta.
A orquestra PANAMÁ caracterízase por ser unha formación na que predomina a música de baile. A formación naceu en 1987 da man de varios integrantes do famoso grupo LOS CAPRIS (Pepe Sabín, J. M. Castro e Alfonso Fraga).
Desde 1999 a dirección musical corre a cargo de Alfonso Fraga, único integrante da formación musical e membro fundador que continúa na orquestra.
