As orquestras París de Noia e Marbella cerran o luns as festas de Mos / © Foto: roxegar 2010
O concello pontevedrés de Mos celebra desde hai unhas horas as súas festas do Cristo da Esperanza. As celebracións durarán tres días e contarase coa actuación de seis grandes orquestras de Espectáculos Lito.
O cartel é impresionante; seis orquestras de primeira liña para gozar dunhas festas que rematarán o próximo luns. A padronesa CHARLESTON BIG BAND xunto coa GRAN PARADA de Rianxo serán as primeiras en ofrecer os seus repertorios e a estas horas xa deben estar actuando. Para a noite dominical outras dúas orquestras das máis mediáticas e das que máis xente congregan nas súas actuacións: OLYMPUS e PHILADELPHIA. E para o último día outras dúas bandas de primeira liña: MARBELLA e a PARÍS DE NOIA ofrecendo tanto unha como a outra a recta final de actuacións. PARÍS cerra temporada a próxima fin de semana e a pontevedresa MARBELLA farao a fin de mes. En decembro tanto unha como a outra abrirán nova temporada 2011.
