Dianteira da orquestra canaria El Combo Dominicano 2010. Hoxe comezan a xira galega
E chega para quedar. EL COMBO DOMINICANO arranca hoxe nas festas de San Pedro de Miño a súa nova xira por Galicia durante os próximos meses. Moitos serán, agardamos, os lugares onde a orquestra Canaria poderá presentar o seu novo espectáculo.
Prométensenos moitas novidades, de repertorio, de espectáculo, de escenario, e sabemos que non nos van defraudar, como é habitual nesta formación musical. EL COMBO DOMINICANO deixa sempre alto o listón en cada temporada que cerra na nosa terra. Da man de Espectáculos Lito, xa podemos gozar a partir de hoxe dunha nova orquestra nas nosas festas cun estilo moi característico. Xa está aquí o swing do Combo… haberá que facer por velos.