Comezan as festas do barrio de San Pedro, en Santiago de Compostela. Vendo o cartel, verdadeira obra de arte, como cada ano, decatámonos de que aínda que hai actos e actividades propios das festas populares (verbenas, churrascada, romaría…) priman nestas celebracións outros actos máis lúdico-culturais que converten estas festas en referencia para toda Galicia como poden ser os obradoiros, o teatro, a danza tradicional, exposicións, poesía e mesmo astronomía.
No apartado de verbenas cabe salientar a actuación da orquestra LAMAS. As festas rematan o domingo no parque de Belvis con obradoiros, actuacións, xogos populares, polvo e churrasco.
Cartel da orquestra Lamas 2009, que actuará o sábado 27 no barrio compostelán de San Pedro