Fotografía da Praza Elíptica dos Rosales en festas. O grupo América S.L. dispoñíase a montar o seu escenario. Nesta edición actuará a orquestra Solera /© fotografía roxegar 2007
Teño en festas o meu barrio, Os Rosales, na Coruña, e por terceiro ano consecutivo non vou poder estar alí. A distancia non fai que me esqueza cada ano das celebracións dos meus veciños. Aínda que desta vez acordei algo tarde porque as actividades xa empezaron esta pasada fin de semana.
A crise nótase nestas festas, que presentan nesta edición un programa máis reducido, polo menos no que se refire ás verbenas. Está programada unha única actuación de orquestra para o sábado, será a SOLERA a que amenizará as festas patronais dun dos barrios máis atractivos para vivir na Coruña. E dígoo por experiencia… boas festas veciños!!!
PROGRAMA FESTIVO DESDE O MÉRCORES DÍA 2
MÉRCORES DÍA 2
17.00 h. Taller de “cocinillas” (Infantil de 6 a 12 anos).
17.30 h. II Edición do Concurso de Tartas e Doces. (Cociña do C. Cívico).
XOVES DÍA 3
16.30 h. Concurso infantil de chistes “Échate unas risas”
VENRES DÍA 4
17.30 h. Exhibición da actividade de Taekwondo.
17.30 h. Actividades cos Bombeiros e a Policía Municipal.
18.00 h. Exhibición da actividade de baile infantil.
SÁBADO DÍA 5
10.00 h. Torneo de baloncesto e Os Rosales en bici.
11.00 h. Actividades e xogos cos scouts.
17.00 h. Obradoiro de reciclaxe.
22.30 h. Verbena a cargo da orquestra SOLERA.
