Os Milagres marcan a semana festiva en Galicia, ademais das patronais de Carral coa súa famosa Festa da Empanada. Tamén hai festas en Porto do Son, Pontedeume, Muxía (a Barca) e na fin de semana, de novo en Ribeira (o luns é festivo local). Comeza a semana longa de festas en Rianxo, coa Guadalupe, e tamén son as do Cristo do Barco de Valdeorras. Aproveita a traca final de festas 2016, porque quedan xa poucas semanas para poder gozar do campo da festa.
