Programa festeiro desta noite en Extramundi
Os veciños de Extramundi, no concello de Padrón, poderán gozar esta noite da festa que fora suspendida a semana pasada por mal tempo e que cada ano trae a música de verbena para honrar ao Neno Xesús.
O cartel non varía respecto da semana pasada e mantense a mesma formación musical; a grande orquestra GRAN PARADA. No campo haberá unha gran carpa aínda que non vai facer falta para a chuvia segundo os prognósticos do tempo.
GRAN PARADA comeza hoxe unha fin de semana chea de celebracións. Á actuación de hoxe en Extramundi seguiralle mañá a de Cacheiro en Pontesampaio (Pontevedra) acompañada pola orquestra FOLIADA. Para finalizar, o domingo estará nas festas de Arra (Sanxenxo) alternando con outra grande, JERUSALÉN.