Dunia Santana é a nova incorporación na dianteira de Panorama 2011 / © Fotos: roxegar 2010
A vocalista Dunia Santana é a fichaxe na dianteira para a próxima temporada da orquestra PANORAMA en substitución de Maythe Leiva. A xa ex cantante de COSTA OESTE formará parte da mediática formación musical o vindeiro ano.
Despois do día 31 deste mes, no que a PANORAMA cerra a súa Xira do Xacobeo, Dunia pasará a formar parte da banda xunto co novo batería e, en principio, serán os dous únicos cambios previstos.
Dunia formou parte, nestas últimas temporadas, da orquestra MARIMBA e este último ano, na COSTA OESTE xunto con Sonia Montero. Agora coa súa marcha para a PANORAMA a ex OLYMPUS Marta Valiño regresa ás filas da orquestra na que estivera 11 anos como cantante.
De seguro que a incorporación de Dunia a PANORAMA traerá un novo espectáculo á formación musical. Verémolo a partir do mes de marzo.
Coa incorporación de Dunia Santana a Panorama 2011 o espectáculo estará asegurado unha temporada máis / © Fotos roxegar 2010
[Podes acceder á galería de fotos de Dunia Santana 2010. Todos os dereitos reservados]
