O escenario instalado na praza principal de Cea para acoller algunhas actuacións do Festival Internacional de Orquestras é o novo palco provisional de Panorama / © foto: roxegar 2010
As dimensións son considerablemente menores e a robótica, tamén, non hai máis que botarlle un ollo. Pero este será o novo escenario provisional da orquestra PANORAMA. O incendio que calcinou completamente o grande escenario da formación musical forza a buscar solucións alternativas para que PANORAMA poida cumprir co seu ateigado calendario festeiro.
É un dos escenarios que se utilizou a pasada fin de semana en Cea para acoller algunhas grandes bandas musicais que actuaron no Festival Internacional de Orquestras (FIOU). Cando tiramos o sábado a fotografía nada nos podía facer pensar que estabamos diante do novo palco da orquestra bandeira de Espectáculos Lito, pero así son as cousas e o principal de todo é que non hai que lamentar danos persoais; o material pouco a pouco se irá repoñendo. O importante non son as luces nin as pantallas, o importante é a orquestra, e a orquestra son persoas, non ferros. Por iso o espectáculo debe continuar e a festa debe seguir… con PANORAMA, os músicos, técnicos, chóferes e montadores. PANORAMA é xente, e a xente, afortunadamente, segue connosco.
Festa a Festa sempre coas orquestras
Desde Festa a Festa o noso apoio incondicional, como blog dedicado ás orquestras e, a título persoal, como seguidores desde hai xa 15 anos. A FESTA CON PANORAMA CONTINÚA!!!
Bueno, fixadevos que detrás das telas que poñen os días e as orquestras hai palco, é dicir, que é bastante grande… Ademais no de panorama as pantallas etc creo que non se queimaron porque van nos outro cmaións, ao mellor adaptando un pouco queda bastante ben, moi sorte Panorama.
Ola Noelia. Claro que si, que por palco non ha de ser. É pequeno comparado co que tiñan pero sen facer comparacións é un escenario bastante grande, máis que a maioría dos que coñecemos. Seguro que o han de poñer vistoso abondo, pero o importante é que non lle pasou nada grave a ningunha persoa, polo tanto a pasar páxina e a seguir. Moitas grazas por contribuír coa túa opinión neste blog. Saudiños!!!
Que siga la fiesta!! muchos ánimos!!!
Oubiña dixo na sua paxina que sería o de fai catro anos…. este non é…. cal das duas informacións e a verdadeira?
Ola, este é o que usaron onte e supoño que durante estes días, é provisional e seguramente estean preparando outro onde poidan facer o músical e algún tema que neste non poden. O da foto é un palco provisional, saúdos!!!
Non teño máis información sobre os escenarios de Panorama. Se Oubiña dixo que van usar o de hai catro anos pois será verdade, de cara a cerrar a xira.
ola . polo q oiinn q ou xoves ou venres panorama teraa un escenario igual o q ardeuu o paasado 6 dde setembro un saudo =)
Ola Adrián. O palco que usan agora é provisional. É normal que estean acondicionando outro máis grande para poder ofrecer o espectáculo íntegro de novo. Saúdos!!!