Monforte apura os últimos días de festa

0
218

orquesta-poceiro-2009-cartel

A orquestra Poceiro Big Band actúa esta noite nas festas de Monforte xunto coa cantante galega Uxía

Desde o mércores pasado, a localidade de Monforte, capital da Ribeira Sacra, está de festas. As últimas actuacións aínda están por chegar nestas tres xornadas que quedan de verbena e concertos.

Hoxe sábado está confirmada a actuación da orquestra POCEIRO BIG BAND e un concerto da man da artista galega UXÍA. Mañá domingo HOMBRES G, que actuarán dentro dunha semana nas festas de Betanzos, e a orquestra ATLANTA serán os encargados de poñer a música pola noite. E para rematar as actuacións de 2010, música contundente de LOS SUAVES.

As festas deste ano víronse empañadas por un accidente acontecido na atracción de feira denominada GIGA KANGURO. O accidente deixou feridas leves a tres nenas monfortinas e levou a precintar a atracción mecánica que finalmente foi desmontada do recinto feiral. A pesar do acontecido en monforte hai que dicir que os accidentes en atraccións de feira son moi pouco habituais e as barracas que se instalan nas nosas festas cumpren rigorosos controis por parte da administración. Algúns concellos como Pontevedra, contratan persoal especializado para inspeccionar as atraccións de festas e só se lles dá permiso de funcionamento no caso de cumpriren todos os requisitos necesarios para abrir ao público.

Sen comentarios

Deixa unha resposta


*