En Parada (Ordes) téñennos acostumados a grandes convocatorias festeiras. As consideradas mellores orquestras pola maioría do respectable pasan cada ano por Parada, se non é nas Festas da Xuventude é nas patronais, que hoxe comezan.
Na pasada edición da Xuventude, na primeira xornada festiva, presentaban novo escenario e novo espectáculo as orquestras ACHÉ e OLYMPUS. En Festa a Festa demos conta da festa cunha gran galería de festeiros e vídeos da de Negreira. Desta volta tócalles a outras dúas orquestras das máis mediáticas: PARÍS DE NOIA e PANORAMA.
As dúas formacións musicais xa se viron onte abrindo as festas no Grove, hoxe repiten encontro en terras de Ordes.
O grupo SAMBA será o encargado da festa de mañá sábado, repertorio moi bailable e completo e voces destacables, sobre todo a de Estela Rodríguez, única presenza feminina no grupo. En breve publicaremos en Festa a Festa vídeos de SAMBA tirados na xira 2010 co seu novo escenario. Para empezar hoxe en Parada: PARÍS DE NOIA e PANORAMA, non se podería empezar mellor.
Festaza sen duda ali estaremos sera unha continuacion da noite do Grove, as duas mellores xuntas. Achegaraste Roxegar? un saludiño