13 E 14 DE MARZO: XIX FESTA DO CALDO GALEGO, MOURENTE, PONTEVEDRA
GRAN PARADA, SALSA ROSA, MARBELLA E TOKIO ACTUARÁN NAS VERBENAS DO SÁBADO E DOMINGO
As orquestras Gran Parada e Salsa Rosa actuarán na primeira verbena da XIX Festa do Caldo Galego de Mourente, na cidade de Pontevedra
É difícil atopar alguén a quen non lle guste o caldo. O noso, o galego, con ingredientes de primeira e do xeito que se fai aquí. Como o caldo de Mourente, que se exalta mañá domingo nesta zona da cidade pontevedresa.
Xa van con esta XIX festas do Caldo de Mourente, caracterizadas por unha exaltación do produto máis típico do país e boa música. A preparación empeza xa hoxe sábado pola tarde na Asociación de Veciños de Areais Mourente, onde se necesitarán voluntarios para darlles saída ás patatas, grelos, carne, chourizo e resto de produtos. Xa a partir do mediodía do domingo poderemos degustar un bo xantar: por só 2 euros o caldo, e por 4 euros poderemos levar a cazola de barro conmemorativa deste ano.
E en canto á música, catro orquestras serán as encargadas das verbenas do sábado e do domingo: GRAN PARADA e SALSA ROSA para o día de preparación do caldo, MARBELLA e TOKIO para o día da degustación. Dúas xornadas de festa en Mourente cun bo caldo no corpo. Que máis se pode pedir?
A segunda xornada de verbena complétase coa actuación de Marbella e Tokio
PROGRAMA COMPLETO
Sábado día 13
12:00 h .- Imposición de capas y medallas a los nuevos caballeros y damas de la orden del caldo.
13:00 h .- Visita ao monumento e ao local social onde se servirá un viño galego.
21:00 h .- Actuación das orquestras GRAN PARADA e SALSA ROSA.
Domingo día 14
12:30 h.- Recibimento de autoridades.
13:00 h .- Lectura do Pregón da XIX edición da Festa do Caldo Galego a cargo de Benigno Campos, Cociñeiro do Programa Larpeiros que se emite os xoves na TVG.
Homenaxe a D. Celso Mirón Villaverde.
Veciño da parroquia e exdirectivo da AA VV de Mourente.
14: 00 h .- Actuacións de grupos folclóricos con música galega e portuguesa.
Actuación dun grupo de Penafiel (Portugal).
Actuación dos Trazantes de Tenorio.
Actuación dos Alegres da parroquia de Mourente.
Degustación do caldo galego e Xantar.
20:00 h .- Actuación das orquestras MARBELLA e TOKIO.
