Tres grandes formacións orquestrais para a noite do sábado en Sobrado dos Monxes: Ciclón, Philadelphia e Marbella Lights Show. Un cartel de luxo
As festas de Sobrado dos Monxes comezan hoxe cun cartel realmente impresionante. Sete orquestras e grupos moi coñecidos pasarán polo campo da festa para amenizar tres días de verbenas de primeira calidade.
VENRES 18
Dúas formacións de referencia serán as encargadas de comezar as festas: no apartado de orquestras a PARÍS DE NOIA e no apartado de grupos, AMÉRICA. Dúas grandes formacións musicais que non precisan máis presentación que o seu traballo ben feito.
SÁBADO 19
O sábado é día importante en Sobrado dos Monxes; formacións musicais poñerán a música para a verbena que se prolongará ata altas horas da madrugada. E non son tres formacións calquera, PHILADELPHIA e MARBELLA no apartado de orquestras e CICLÓN no apartado de grupos musicais. Tres referencias importantes no mundo verbeneiro galego.
DOMINGO 20
Rematan as festas da man de JERUSALÉN e FANIA BLANCO SHOW, outras dúas orquestras moi coñecidas nos campos de festa galegos.
